Pulsa sobre as imaxes para velas a tamaño completo.
O Sol é o centro do sistema planetario ao que pertencemos. Un símbolo representado dende o principio dos tempos, que espertou o interese de todas as culturas. Aínda que non exista a posibilidade da comunicación verbal, o debuxo dun sol é unha mensaxe de cordialidade.
O Sol é un punto desexado, venerado, sentido como algo ao lonxe, imposible de alcanzar. Sentimos o desexo de traelo cara a nós, de posuír toda a súa forza e enerxía.
Nostalxia de Sol quere materializar este desexo universal, a posibilidade de sentir o inalcanzable, achegarte ao Sol, sentir a súa luz e a súa calor. Constrúo para ti un sol que irradia amarelo
Nostalxia de Sol é unha máquina formada por un circuíto de calor e outro de luz, que permite ao usuario que se coloca no punto central sentir na súa cara e caluga calor e luz.
INDICACIÓN: Nostalxia de Sol está indicada para lugares nos que a luz solar escasea e as persoas poda necesitar enerxía solar extra.
Entra no contorno do SOL, entrégate á enerxía do amarelo, achégate ao punto central e déixate acariñar pola luz e a calor do SOL.
